ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ಮಂಗಳೂರು ನಗರದಲ್ಲಿ ಯಾವ ವಾರ್ಡ್ ಸ್ವಚ್ಛತೆಗೆ ಅತ್ಯಂತ ಸಮರ್ಪಕವಾಗಿದೆ ಎಂಬ ಪಟ್ಟಿಯನ್ನು ಇನ್ನೆರೆಡು ದಿನಗಳಲ್ಲಿ ತಯಾರಿಸುವಂತೆ ಮಂಗಳೂರು ಮಹಾನಗರಪಾಲಿಕೆ ಅಧಿಕಾರಿಗಳಿಗೆ ಸೂಚಿಸಿದ ಜಿಲ್ಲಾಧಿಕಾರಿಗಳು ನಗರದ ಎಲ್ಲಾ ಸ್ವಯಂ ಸೇವಾ ಸಂಸ್ಥೆಗಳು ಸಾರ್ವಜನಿಕರು ವಿಶೇಷವಾಗಿ ಸಂಬಂಧಪಟ್ಟ ಪರಿಸರದ ಜನರು ಸ್ವಚ್ಛ ಮಂಗಳೂರು ಶ್ರಮದಾನಕ್ಕಾಗಿ ಸ್ವಯಂ ಪ್ರೇರಿತರಾಗಿ ಮುಂದೆ ಬರಬೇಕು ಹಾಗೂ ಕಾಟಾಚಾರಕ್ಕಾಗಿ ಪತ್ರಿಕೆಯಲ್ಲಿ ಫೋಟೋ ಬರಬೇಕೆಂಬ ಪ್ರಚಾರದ ಗೀಳಿನಿಂದ ಶ್ರಮದಾನದಲ್ಲಿ ಭಾಗವಹಿಸದೇ,ಸ್ವಚ್ಛತೆ ಕಾರಣಕ್ಕಾಗಿ ಸ್ವಾಸ್ಥ್ಯ ಮಂಗಳೂರು ನಗರಕ್ಕಾಗಿ ಶ್ರಮದಾನದಲ್ಲಿ ಸ್ವಯಂಸ್ಪೂರ್ತಿಯಿಂದ ಭಾಗವಹಿಸುವಂತೆ ಜಿಲ್ಲಾಧಿಕಾರಿಗಳು ವಿನಂತಿಸಿದ್ದಾರೆ.ಸಭೆಯಲ್ಲಿ ಹಾಜರಿದ್ದ ಜಿಲ್ಲಾ ರಾಜ್ಯ ಸರಕಾರಿ ನೌಕರರ ಸಂಘದ ಅಧ್ಯಕ್ಷರಾದ ಎನ್.ಸಂಜೀವ ಅವರು ಮಾತನಾಡಿ ಮಾರ್ಚ್ 27 ರಂದು ರಾಜ್ಯ ಸರಕಾರಿ ನೌಕರರು,ಜಿಲ್ಲಾಧಿಕಾರಿಗಳ ಕಚೇರಿ ಆವರಣ,ಸ್ಟೇಟ್ ಬ್ಯಾಂಕ್ ಸುತ್ತ ಮುತ್ತ ಸ್ವಚ್ಛತೆಗಾಗಿ ಶ್ರಮದಾನ ಮಾಡುವುದಾಗಿ ತಿಳಿಸಿದರು.
ಸ್ತ್ರೀಶಕ್ತಿ ಸಂಘಗಳು,ಸ್ವಸಹಾಯ ಸಂಘಗಳು, ಸೇರಿ ಎಲ್ಲಾ ಯುವಕ/ಯುವತಿ ಸಂಘ ಸಂಸ್ಥೆಗಳು ಈ ಕಾರ್ಯದಲ್ಲಿ ಭಾಗಿಗಳಾಗಿ ಶ್ರಮದಾನ ಮಾಡುವಂತೆ ಜಿಲ್ಲಾಧಿಕಾರಿಗಳು ವಿನಂತಿಸಿದ್ದಾರೆ.
