Wednesday, August 21, 2013

ವಾಹನಗಳಲ್ಲಿ ಟಿಂಟ್ ಫಿಲಂ ಅಳವಡಿಸಿದರೆ ದಂಡ


ಮಂಗಳೂರು, ಆಗಸ್ಟ್. 21:-ಸರ್ವೋ ಚ್ಛ ನ್ಯಾಯಾಲಯದ ಆದೇಶದಂತೆ ಸಾರ್ವಜನಿಕರು ತಮ್ಮ ವಾಹನಗಳ ಮುಂಭಾಗ ಹಾಗೂ ಹಿಂಭಾಗದ ವಿಂಡ್ ಸ್ಕ್ರೀನ್ ಗಳನ್ನು ಶೇಕಡಾ 70 ರಷ್ಟು ಪಾರದರ್ಶಕತೆ ಹಾಗೂ ವಾಹನದ ಎರಡು ಬದಿಗಳನ್ನು ಶೇಕಡಾ 50 ರಷ್ಟು ಹೊಂದಿರುವ ಗಾಜುಗಳನ್ನು ಹೊಂದಿರಬಹುದು.ಆದರೆ ಇಷ್ಟೇ ಪ್ರಮಾಣದ ಸನ್ ಫಿಲಂಗಳನ್ನು ಯಾವುದೇ ಅಂಗಡಿ,ಕಾರ್ ಅಕ್ಷೆಸರೀಸ್ ಅಂಗಡಿಗಳಿಂದ ಖರೀದಿಸಿ ಅಳವಡಿಸುವಂತಿಲ್ಲ.ಒಂದು ವೇಳೆ ಈ ನಿಯಮ ಉಲ್ಲಂಘಿಸಿದರೆ ದಂಡ ತೆರಬೇಕಾಗುತ್ತದೆ ಎಂದು ಮಂಗಳೂರು ನಗರ ಪೋಲೀಸ್ ಆಯುಕ್ತರು ತಿಳಿಸಿದ್ದಾರೆ.
ಸರ್ವೋಚ್ಚ ನ್ಯಾಯಾಲಯದ ಸೂಚನೆಗಳನ್ನು ಪಾಲಿಸುವದು ಪ್ರತಿಯೊಬ್ಬ ನಾಗರೀಕನ ಕರ್ತವ್ಯ.ತಪ್ಪಿದಲ್ಲಿ ಕಾನೂನು  ರೀತ್ಯ ಕ್ರಮ ಜರುಗಿಸಲು ಸಂಚಾರಿ ಪೊಲೀಸ್ ಅಧಿಕಾರಿಗಳು ಬದ್ಧರಾಗಿರುತ್ತಾರೆಂದು ಪೋಲೀಸ್ ಆಯುಕ್ತರು ತಿಳಿಸಿರುತ್ತಾರೆ.