ಮಾರ್ಗಸೂಚಿ: 4 ಮೀಟರ್ ಅಂತರದಲ್ಲಿ 125 ಡೆಸಿಬಲ್ ಮಟ್ಟಕ್ಕಿಂತ ಹೆಚ್ಚು ಶಬ್ದ ಉಂಟು ಮಾಡುವ ಪಟಾಕಿಗಳ ಉತ್ಪಾದನೆ,ಮಾರಾಟ ಹಾಗೂ ಬಳಕೆಯನ್ನು ನಿಷೇಧಿಸಿದೆ. ಇಂತಹ ಪಟಾಕಿಗಳನ್ನು ಸಿಡಿಸದಿರಲು ಮನವಿ ಮಾಡಲಾಗಿದೆ.
ಸರ್ವೋಚ್ಛ ನ್ಯಾಯಾಲಯದ ಆದೇಶದಂತೆ ರಾತ್ರಿ 10 ಗಂಟೆಯಿಂದ ಬೆಳಿಗ್ಗೆ 6 ಗಂಟೆವರೆಗೆ ಪಟಾಕಿಗಳ ಸಿಡಿಸುವಿಕೆಯನ್ನು ನಿಷೇಧಿಸಲಾಗಿದೆ.
ಪ್ರಶಾಂತ ಪ್ರದೇಶದಲ್ಲಿ ಪಟಾಕಿಗಳನ್ನು ಸಿಡಿಸಬಾರದು. (ಆಸ್ಪತ್ರೆ,ನ್ಯಾಯಾಲಯಗಳ ಬಳಿ), ಪಟಾಕಿಗಳ ಬಳಕೆಯನ್ನು ನಿಗದಿಪಡಿಸಿದ ಸ್ಥಳದಲ್ಲಿ ಹಾಗೂ ಖಾಲಿ ಪ್ರದೇಶದಲ್ಲಿ ಮಾಡತಕ್ಕದ್ದು. ಪಟಾಕಿ ಮಾರಾಟಗಾರರು ಹೆಚ್ಚು ಶಬ್ದ ಉಂಟುಮಾಡುವಂತಹ ಪಟಾಕಿಗಳಾದ ಲಕ್ಷ್ಮೀ, ಆನೆ ಗುರುತಿನ ಪಟಾಕಿ ಹಾಗೂ ಇತರೆ 125 ಡೆಸಿಬಲ್ ಗಿಂತ ಹೆಚ್ಚು ಶಬ್ದ ಉಂಟು ಮಾಡುವಂತಹ ಪಟಾಕಿಗಳನ್ನು ಮಾರಾಟ ಮಾಡಬಾರದು. ನಗರ ಮತ್ತು ಪಟ್ಟಣಗಳ ಚಿಕ್ಕ ಚಿಕ್ಕ ಬೀದಿಯಲ್ಲಿ ಪಟಾಕಿ ಹಾಗೂ ಬಾಣ ಬಿರುಸು ಮಾಡುವುದರಿಂದ ಅಲ್ಲಿನ ನಿವಾಸಿಗಳಿಗೆ ಹಾನಿಯುಂಟಾಗುವ ಅಥವಾ ಬೆಂಕಿ ಹಾಗೂ ಸ್ಫೋಟದಿಂದ ಅಪಾಯಗಳು ಆಗುವ ಸಾಧ್ಯತೆಗಳು ಇರುವುದರಿಂದ ಸಾರ್ವಜನಿಕರು ಊರ್ವ ಮೈದಾನ, ಕದ್ರಿ ಮೈದಾನ ತೇಜಸ್ವಿನಿ ನರ್ಸಿಂಗ್ ಹೋಮ್ ಹತ್ತಿರ, ಪದವು ಶಾಲೆ ಮೈದಾನ ಕದ್ರಿ ಗುಡ್ಡ, ಕೆಪಿಟಿ ಹತ್ತಿರ, ಮಾರ್ನಮಿ ಕಟ್ಟೆ ಮೈದಾನ,ವಾಮನ ನಾಯಕ್ ವಾಚ್ ಫ್ಯಾಕ್ಟರಿ ಎದುರು, ಎಮ್ಮೆಕೆರೆ ಮೈದಾನ,ಬೋಳಾರದ ಹತ್ತಿರ, ಭಾರತ್ ಮೈದಾನ, ಜೆಪ್ಪು ಮಾರ್ಕೆಟ್ ಹತ್ತಿರ ಪಟಾಕಿ ಸಿಡಿಸುವುದನ್ನು ನಿಷೇಧಿಸಲಾಗಿದೆ.ಇದೇ ಸಂದರ್ಭದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವರು ಮತ್ತು ಜಿಲ್ಲಾಡಳಿತ ಸರ್ವರಿಗೂ ದೀಪಾವಳಿ ಹಬ್ಬದ ಶುಭಾಶಯಗಳನ್ನು ತಿಳಿಸಿದೆ.
